Padel SAI
Padel SAI жобасы — Қазақстандағы алғашқы падел-орталықтардың бірі. Ол 2025 жылдың маусымында ашылып, айына 1 500-ден астам ойыншыны тарта білді. Орталық спорттық әрі қалалық мәдениеттің жаңа нүктесіне айналып, мұнда комьюнити қалыптасып, балаларға арналған бағыттар дамуда, жаңа жұмыс орындары ашылуда және халықаралық падел-қоғамдастықты біріктіруге арналған IT-шешімдер іске қосылуда.
Ayel & Qala
Тәуелсіз әйелдер қалалық қауымдастығы — Қазақстан қалаларының дамуына әйелдердің үлесін айқын ету үшін 2025 жылдың мамырында құрылған бастама. Жоба архитекторларды, урбанистерді, зерттеушілер мен белсенді әйелдерді офлайн-кездесулер, воркшоптар, қалалық серуендер және медиа арқылы біріктіріп, елде әлі қалыптаса қоймаған феминистік урбанистика тәжірибесін дамытады.
Green and Safe Streets
Green and Safe Streets — Алматылық жоба, тактикалық урбанизм әдістері арқылы ауаның сапасы, көшелердің қауіпсіздігі мен қалалық ортаның жайлылығы өзара байланысты екенін көрсетті. Жоба бір қарағанда шағын қадамдардың өзі үлкен жүйелі өзгерістерге жол аша алатынын дәлелдеді
Splash
Splash — 2024 жылы құрылған Қазақстандағы алғашқы экологиялық мобильді автожуу сервисі. Ол авторлық мобильді су бұру технологиясының арқасында суды 50%-ға дейін үнемдеп, клиенттердің уақытын да азайтады: көлік паркингтің өзінде-ақ, шу-шұрқансыз, лассыз және инфрақұрылымға зиян келтірмей жуылады.
Urban.pleinair
Urban.pleinair — Орталық Азиядағы алғашқы тәуелсіз пленэрлік сурет қауымдастығы. Ол жасөспірімдер мен ересектерді өнер, экологиялық акциялар және Алматының қалалық кеңістігін зерттеу арқылы біріктіреді. Жоба білім беру бастамасынан өсіп шығып, қауіпсіз әрі инклюзивті ортаға айналды: мұнда әлеуметтік бейімделуде қиындық көретін жасөспірімдер қолдау табады, ал қатысушылар қаланың сұлулығы мен мәселелерін «байқауды» үйренеді.
Ерканат Заитов
Қазақстандағы тұңғыш Урбанистика орталығының негізін қалаушы, «Vision Zero Community» қоғамдық қорының жетекшісі, «NEsanatorium» шығармашылық хабының және Қазақстанның Шығармашылық индустриялар альянсының тең құрылтайшысы
Анель Молдахметова
Cityzen Space Studio мәдени жобалардың кураторы және креативті продюсер, Archcode Almaty бастамасының тең құрылтайшысы
Владислав Филатов
урбанист сәулетші
Асель Есжанова
урбанист, сәулетші, «Urban Forum Kazakhstan» қоғамдық қорының тең құрылтайшысы және «Make Maktep» жобасының тең авторы
Темиртас Искаков
сәулетші, зерттеуші және Fading TSE платформасының бастамашысы, STEPPE Awards 2023 лауреаты